火車佗位去

Hué-tshia Tó-uī--khì


周杰倫 Tsiu Ka̍it-lûn




聽我講

thiann guá kóng

庄跤的路邊

tsng-kha ê lōo-pinn

蟬覕佇樹枝

siân bih tī tshiū-ki


七月天

tshit-gue̍h thinn

鬧熱咧唱戲

lāu-jia̍t leh tshiùnn-hì

SI LA SOL FA MI


聽我講

thiann guá kóng

風景遮爾媠

hong-kíng tsiah-nī suí

火車佗位去

hué-tshia tó-uī--khì

提紙筆

the̍h tsuá-pit

寫歌思念你

siá kua su-liām lí

SI LA SOL FA MI


車過磅空變成暗暝

tshia kuè pōng-khang piàn-sîng àm-mî

但是連鞭就會過去

tān-sī liâm-mi tiō ē kuè--khì

按怎你走彼个當時

án-tsuánn lí tsáu hit-ê tong-sî

無留半張批紙佮字

bô lâu puànn-tiunn phue-tsuá kah jī


過去像溪邊的田嬰

kuè-khì tshiūnn khe-pinn ê tshân-inn

攏是鬥陣飛的日子

lóng sī tàu-tīn pue ê ji̍t-tsí

這時我像離水的魚

tsit-sî guá tshiūnn lī-tsuí ê hî

放袂記

pàng-bē-kì

賰最後一口氣

tshun tsuè-āu tsi̍t kháu-khuì

放袂記

pàng-bē-kì

過去你迷人的氣質

kuè-khì lí bê-lâng ê khì-tsit

攏是笑容酸甘仔甜

lóng-sī tshiò-iông sng-kam-á tinn

轉去故事到遮為止

tńg-khì kòo-sū kàu tsia uî-tsí


你哪會全然攏無消息

lí ná-ē tsuân-jiân lóng bô siau-sit

我親像一隻蜂揣無蜜

guá tshin-tshiūnn tsi̍t-tsiah phang tshē-bô bi̍t

將過去一張一張咧剺

tsiong kuè-khì tsi̍t-tiunn tsi̍t-tiunn leh lì

這日誌欲剺到何時

tse ji̍t-tsì beh lì kàu hô-sî

才有你的字

tsiah ū lí ê jī


你哪全然攏無消息

lí ná tsuân-jiân lóng bô siau-sit

像向南的燕仔斷翼

tshiūnn ǹg lâm ê ìnn-á tn̄g si̍t

毋捌閣轉來岫看厝邊

m̄-bat koh tńg-lâi siū khuànn tshù-pinn

為啥物鐵枝路直直

uī-siánn-mih thih-ki-lōo ti̍t-ti̍t

火車佗位去

hué-tshia tó-uī--khì

评论
© 我子博 | Powered by LOFTER